ოფიციალური ვიზიტის მოულოდნელი სცენარი. ამერიკის შეერთებული შტატების სახელმწიფო მდივანმა, მაიკ პომპეომ, საქართველო უკვე დატოვა, თუმცა მისი ესკორტი სასტუმროში დაბრუნდა. პომპეოს მოადგილე, საქართველოში ვიზიტს აგრძელებს. ფილიპ რიკერი ამ წუთებში ოპოზიციას ხვდება. რა გზავნილი დაუტოვა პომპეომ ბოიკოტის რეჟიმში მყოფ ოპოზიციას, ეს ცნობილი შეხვედრის დასრულების შემდეგ გახდება. ოპოზიცონერი პოლიტიკოსები კი ამბობენ, რომ პომპეოს მოადგილეს, საქართველოში შექმნილ პოლიტიკურ კრიზისზე ესაუბრებიან. განსაკუთრებული აქცენტი არჩევნების შედეგებზე გაკეთდება.
