აშშ საქართველოსთვის საგარეო დახმარებას 8 მილიონი დოლარით ამცირებს. სახელმწიფო დეპარტამენტის 2025 წლის ბიუჯეტის პროექტის მიხედვით, საქართველოს საგარეო დახმარება 80 მილიონი დოლარი იქნება, რაც 2024 წელთან შედარებით 8 მილიონით ნაკლებია. ეს მაშინ, როცა 2022, 2023 და 2024 წლების საბიუჯეტო მოთხოვნებში, სახელმწიფო დეპარტამენტი კონგრესს საქართველოსთვის 88 მილიონი დოლარის გამოყოფის თხოვნით მიმართავდა. ბიუჯეტის პროექტი კონგრესს განსახილველად გუშინ გაეგზავნა.
“საქართველო (80.0 მილიონი აშშ დოლარი): მოთხოვნა საქართველოსთვის ხელს შეუწყობს ქვეყნის დემოკრატიულ და ეკონომიკურ განვითარებას, ხელს შეუწყობს ევროატლანტიკურ ინტეგრაციას და გაზრდის მდგრადობას მავნე გავლენის წინააღმდეგ. დაფინანსება ხელს შეუწყობს ინსტიტუციური კონტროლისა და ბალანსის გაძლიერებასა და კანონის უზენაესობას; საქართველოს სამოქალაქო საზოგადოების მიერ დემოკრატიული და ეკონომიკური განვითარების წინსვლის მცდელობების მხარდაჭერას; გააუმჯობესებს ხელმისაწვდომობას დამოუკიდებელ, სანდო და დაბალანსებულ მედიაზე; ხელს შეუწყობს პოლიტიკურ პლურალიზმს; მხარს დაუჭერს შერიგების მცდელობებს, მათ შორის აფხაზეთსა და სამხრეთ ოსეთში; გაზრდის ენერგეტიკულ უსაფრთხოებასა და გამოიწვევს სუფთა ენერგიის წინსვლას; ხელს შეუწყობს ეკონომიკური განვითარებისა და დივერსიფიკაციისთვის აუცილებელი რეფორმებს; გააძლიერებს კიბერუსაფრთხოებას; გააფართოებს კერძო სექტორის კონკურენტუნარიანობისა და სოფლის მეურნეობის პროდუქტიულობას; დაეხმარება საქართველოს უცხოური ინვესტიციების მოზიდვაში; გააძლიერებს საზღვრების უსაფრთხოებასა და ანტიკორუფციული ინიციატივების ინსტიტუციურ შესაძლებლობებს, საჯარო ანგარიშვალდებულებას, შიდა კონტროლს და ზედამხედველობას მთავრობაში”, – სახდეპის ბიუჯეტის პროექტი.
