“ქართული ოცნების” ყოფილი მაღალჩინოსანი, ყოფილი თანაგუნდელების მხილებას აგრძელებს. სოსო გოგაშვილის სოციალურ ქსელში წერილი ვრცელდება, რომელშიც ნათქვამია, რომ ოპოზიციას რევოლუციური სცენარი არ ჰქონია და ეს საუბრები დამონტაჟებული იყო. სუს-ის ყოფილი შეფი ამბობს, რომ აღნიშნული საუბრები “ოცნების” მიერ ოპონენტების გასაშავებლად იყო შექმნილი. გოგაშვილის თქმით საუბრები, რომლებიც თითქოს უკრაინულ საიტებზე იტვირთებოდა, სინამდვილეში ივანიშვილის დავალებით იყო დამონტაჟებული და ატვირთული სუს-ის „ოტოს“ მიერ.
“მე ვხედავ, რომ ქოცები ისევ აგრძელებენ ხალხის ცრუ პროპაგანდით დაშინებას. სრული პასუხისმგებლობით ვაცხადებ, მიუხედავად ჩემი პირადი დამოკიდებულებებისა ზოგიერთი ოპოზიციური პოლიტიკოსის მიმართ, არანაირი რევოლუციური სცენარის განხორციელების შესახებ საუბრები არ ყოფილა ოპოზიციის ლიდერებს შორის. ეს საუბრები ყოველთვის იყო ქოცების მიერ შექმნილი ხალხის გასაშავებლად. ფალსიფიცირებული, დამონტაჟებული და არაავთენტიკური საუბრები.სამართლიანი და ობიექტური მართლმსაჯულების წინაშე მე წარვადგენ ამ ყველაფრის დამადასტურებელ მტკიცებულებებს, ორიგინალშიც და დამონტაჟებულშიც. სამართლიანობა მოითხოვს, რომ ვილაპარაკო სიმართლე ხალხის წინაშე. სიცრუე კი ერთია: საუბრები, რომლებიც იტვირთებოდა თითქოს უკრაინულ საიტებზე, სინამდვილეში იყო სუსის საიტები და საუბრები იყო ივანიშვილის დავალებით დამონტაჟებული და ატვირთული სუსის ოტოს მიერ. ხალხს უკვე აღარ სჯერა თქვენი “შოკისმომგვრელი” მდარე ხარისხის “ფეიკ” პროპაგანდის. ასე რომ груსებო, ხალხი მალე გამოგიტანთ სამარცხვინო განაჩენს” – წერს სოსო გოგაშვილი.
