სამშენებლო თაღლითური სქემა და 300-მდე დაზარალებული – საუბარია კომპანია „ათორის“ საქმიანობაზე, რომელმაც საცხოვრებელი ფართის ყიდვის მსურველებს, ბინები იპოთეკით დაატვირტინა, შემდეგ კი უკვე გაყიდული საცხოვრებელი ფართები, სხვა პირებზე გაასხვისა. თაღლითობის ამ ფაქტზე, დღეს საკრებულოში, პარტია “ანა დოლიძე – ხალხისთვის” თბილისის საკრებულოს წევრმა, ნინო წულაძემ, დაზარალებულებთან ერთად ისაუბრა. წულაძის თქმით, 3 წელია მერიასა და კომპანიის მიერ დაზარალებულებს შორის მოლაპარაკებები უშედეგოდ მიმდინარეობს, სწორედ ამიტომ, ის მერიას მედიაციის პროცესს სთავაზობს, რათა ყველა დაზარალებული სწრაფად და კეთილსინდისიერად დაკმაყოფილდეს.
