საზოგადოებრივი ტრანსპორტის მგზავრები საბანკო ბარათებზე სამგზავრო აბონემენტების ჩართვას მაისის თვიდან შეძლებენ. თბილისის მერის განმარტებით, სერვისის ამოქმედების შემდეგ, მგზავრებს ცალკე სამგზავრო ბარათის ტარება აღარ მოუწევთ. მისივე ცნობით, მოქალაქეები საბანკო ბარათზე ნებისმიერი ვადის აბონემენტის ჩართვას შეძლებენ. ინფორმაცია თბილისის მერმა მთავრობის დღევანდელ სხდომაზე გაავრცელა.
