ქვეყანაში კოვიდ-19-ით ინფიცირებულთა რიცხვი მნიშვნელოვნად შემცირდა- ომიკრონის სახელით ცნობილი ვირუსით ინფიცირების მაჩვენებელი კლებას აგრძელებს. ბოლო 24 საათში ჩატარებული ტესტირებების შედეგად, ინფექცია 10 230 პირს დაუდასტურდა. გარდაცვლილთა რიცხვს კი 48 ადამიანი შეემატა. მოცემული რიცხვების ფონზე, ჯანდაცვის სფეროს წარმომადგნლები მეექვსე ტალღის პიკის დასრულებაზე საუბრობენ. პროფესორი და იმუნიზაციის ტექნიკურ მრჩეველთა ჯგუფის ხელმძღვანელი, ივანე ჩხაიძე ამბობს, რომ ყველაზე მძიმე პრიოდი გადალახულია.
