პრემიერ-მინისტრი ლანჩხუთის კლინიკაში ვაქცინაციის პროცესს გაეცნო. ირაკლი ღარიბაშვილის განცხადებით ვაქცინაციაზე მოსახლეობის მაქსიმალური ხელმისაწვდომობის მიზნით, მათ შორის, გეოგრაფიული თვალსაზრისით, შექმნილია მობილური სამედიცინო ჯგუფები, რომლებიც, საჭიროების შესაბამისად, ვაქცინაციის პროცესებში ერთვებიან. ლანჩხუთის მუნიციპალიტეტში, კლინიკა “მედალფას” გარდა, იმუნიზაცია ლანჩხუთის რეგიონული ჯანდაცვის ცენტრში მიმდინარეობს. კლინიკაში აცრები წინასწარი რეგისტრაციის გარეშეც ტარდება.
