“TV პირველის” ოპერატორის, ლექსო ლაშქარავას ხსოვნის პატივსაცემად, რეგიონულმა ტელევიზიებმა დღეს მაუწყებლობა დროებით გაწყვიტეს. ლექსო ლაშქარავას ხსოვნის საპატივცემულოდ, 10 წუთის განმავლობაში ეკრანზე მხოლოდ წარწერა იყო. აქციას შეუერთდნენ ტელევიზიები- “გურია”, “მეცხრე ტალღა”, “ოდიში”, “TOK TV” , “აგროგარემო”, “TV/25”, “მეცხრე არხი”, “თანამგზავრი”, “TV 4”, “რიონი” და “ბორჯომი”, ასევე “ჰერეთის” რადისადგურიც.
