ქვეყანაში შექმნილ ვითარებაზე ოპოზიცია პასუხისმგებლობას ხელისუფლებას და პირადად პრემიერ-მინისტრს აკისრებს. პოლიტიკური პარტიების ლიდერები ირაკლი ღარიბაშვილს ძალადობის წახალისებაში ადანაშაულებენ და აცხადებენ, რომ პრემიერმა მოძალადე ჯგუფებს ხელ-ფეხი შეუხსნა და პირდაპირ მოუწოდა იმოქმედონ საკუთარი შეხედულებების შესაბამისად. ოპოზიცია დიპლომატიურ კორპუსს და საერთაშორისო პარტნიორებს უმკაცრესი რეაგირებისკენ მოუწოდებს.
