ქვეყანაში არსებულ მძიმე ეკონომიკურ ვითარებაზე და გაძვირებულ ცხოვრებაზე ოპოზიცია პასუხისმგებლობას ხელისუფლებას აკისრებს. მათი თქმით, მთავრობის არასწორი ეკონომიკური პოლიტიკის შედეგია ის, რომ ქვეყანაში სიღარიბის მაჩვენებელი გაიზარდა. ხელისუფლების ოპონენტები “ქართულ ოცნებას” შეუსრულებელ დაპირებებსაც ახსენებენ და ამბობენ, რომ მმართველმა გუნდმა 9 წელიწადში მოსახლეობისთვის გაცემული დაპირებები პირიქით შეასრულა. “ქართულ ოცნებაში” კი აცხადებენ, რომ ფასებს არა ხელისუფლება არამედ ბაზარი ადგენს.
