ქვეყანაში კორონაპანდემიის გამო დაწესებული შეზღუდვების შემსუბუქება გრძელდება. დღეიდან, ორშაბათიდან პარასკევის ჩათვლით, რესტორნები მომხმარებლების მიღებას დახურულ სივრცეებში შეძლებენ. რეგულაციების სრული დაცვით დღეიდან განაახლებენ ფუნქციონირებას სამთო კურორტებზე არსებული საბაგიროებიც. ამასთან, საკოორდინაციო საბჭოს გადაწყვეტილებით, სავაჭრო მოლებსა და ბაზრობებს მოეხსნებათ შაბათ-კვირას დაწესებული შეზღუდვაც.
