„ახალგაზრდა იურისტთა ასოციაციის“ გამგეობამ ახალი თავმჯომარის პოსტზე ნიკა სიმონიშვილი აირჩია. გავლენიანი არასამთავრობო ორგანიზაციის ახალი თავმჯდომარე ამბობს, რომ ქვეყანაში მთავარ გამოწვევად დემოკრატიის განვითარება რჩება, და ის მუშაობას სწორედ ამ მიმართულებით გააგრძელებს. ნიკა სიმონიშვილი 2020 წლის მარტიდან მედიის სამართლებრივი დაცვის პროექტის ხელმძღვანელი იყო. 2019 წლის ნოემბერში კი ის საერთო კრებამ საიას გამგეობის წევრადა ირჩია. 2018 წლის აგვისტოდან 2020 წლის მარტამდე სიმონიშვილი პარლამენტში საიას წარმომადგენელი იყო.
