ირაკლი ღარიბაშვილი დავოსის ეკონომიკური ფორუმის მონაწილე ლიდერებსა და წამყვანი კომპანიების ხელმძღვანელებს შეხვდა. პრემიერ-მინისტრი ასევე ფორუმის დამფუძნებლისა და აღმასრულებელი თავმჯდომარის, კლაუს შვაბისა და მისი მეუღლის – მიერ ორგანიზებულ მიღებას დაესწრო.
ვიზიტის ფარგლებში მთავრობის მეთაურმა პირველი შეხვედრა გამართა კომპანია “კო-ჰოლდინგის” აღმასრულებელ თავმჯდომარესთან. განსახილველ საკითხებს შორის იყო საქართველოში კომპანიის საქმიანობის ძირითადი მიმართულებები, ასევე – ახალ პროექტებსა და სფეროებში თანამშრომლობის გაფართოების პერსპექტივები.
მთავრობის ადმინისტრაციის ინფორმაციით, ღარიბაშვილმა ბოლო წლებში საქართველოს მაღალ ეკონომიკურ ზრდაზე ისაუბრა, რაც მისი თქმით, მთავრობის სწორი ეკონომიკური პოლიტიკის შედეგია.
