სოციალურ ქსელში გავრცელებული კადრები რამდენიმე დღეა განხილვის საგანია. მანქანები ერთ-ერთი ვერსიით, ჩეჩნეთის ლიდერის რამზან კადიროვის გარემოცვას ეკუთვნის. გავრცელებული ინფორმაციით, ესკორტი რამზან კადრიოვის უახლოესი გარემოცვის წევრის, ჩეჩენი ბიზნესმენი, ასლანბეგ ახმედ-ხანოვისაა. რუსული ესკორტი საქართველოში არაერთ ადგილს სტუმრობდა. თბილისი, ბათუმი, ყაზბეგი, ნატახტარი – ეს არასრული ჩამონათვალია იმ ადგილების, სადაც რამზან კადიროვის უახლოესი გარემოცვა იმყოფებოდა. ყურადღება რუსულმა სანომრე ნიშნებმა მიიქცია. ამ დრომდე განცხადება არ გაუვრცელებია შინაგან საქმეთა სამინისტროს. დუმს სახელმწიფო უსაფრთხოების სამსახურიც. გომელუარის უწყებას მათი საქართველოში ყოფნის შესახებ, რომ ინფრომაცია ჰქონდა, ეს მათზე გამოწერილი ჯარიმებით დასტურდება, რომელიც სტუმრებს საგაზაო წესების დარღვევის გამო გამოუწერეს. ქართული ოცნების რეგიონული მდივანი, დიმიტრი სამხარაძე ფეისბუქზე წერს, რომ საქართველოში იმყოფებოდნენ ჩეჩენი ბიზნესმენი, გროზნოს ყოფილი მერი და მათი მეგობრები.
“რაც გავარკვიე, ერთი საერთო აქვს ნაცების მიერ ვინოკუროვის შემთხვევაში და დღეს აწეულ თემებს: თუ რომელიმე მათგანს შემოსვლისას რამე შეფერხება შეექმნებოდა, ნაცები ატეხავდნენ ყვირილს, რომ ანტიპუტინისტ ვინოკუროვს, გროზნოს გადაყენებულ მერს და კადიროვის დაჭერილ ბიზნესმენს საქართველოში პრობლემები ექმნება. როცა მათ არავის პრობლემა არ შეუქმნა და ეს სცენარი ჩაუვარდათ, მერე გახდნენ ისინი ლავროვის ნათესავები და დღეს – კადიროველები… დიახ! რაც ამ ეტაპზე გავარკვიე, გროზნოს გადაყენებული მერი და კადიროვის მიერ დაჭერილი ბიზნესმენი იყო ჩამოსული და მათ მეგობრებიც ახლდნენ. არც ერთ მათგანს ოკუპაციის კანონი დარღვეული არ ქონდა. სხვა დეტალებს მესაზღვრე ისედაც არ არკვევს – არ არის ძებნილი და არ აქვს ოკუპაციის კანონი დარღვეული. შესაბამისად, პრობლემა არავის შეუქმნია, შემოვიდნენ ტურისტებად, ფული დახარჯეს და წავიდნენ. დარღვევა რომ რამე ქონოდათ, არავინ შემოუშვებდა. ანუ სინამდვილეში ისევ ნაცების საზიზღარი პროვოკაცია და დაზომბებული რამდენიმე ათეული აქტივისტის ყალბი პატრიოტიზმია. ჩეჩნების საწვრთნელი ბაზები ქონდათ აქ მოწყობილი აგვისტოს ომის შემდეგ და ჩვენთან ქექავენ სისულელეებს, რა უნდა ველაპარაკო ამ მართლა მოღალატეებს ? რაც შეეხება მათ უზრდელობებს – ყველას დედებს მოვიკითხავ, ვინც ამ უზრდელობის კამპანიაშია ჩართული!” – წერს დიტო სამხარაძე.
