პოლონეთის სეიმმა მიხეილ სააკაშვილთან დაკავშირებით რეზოლუცია მიიღო. პოლონეთის რესპუბლიკის სეიმი საქართველოს ხელისუფლებას მიმართავს, მიხეილ სააკაშვილს გლობალური სტანდარტების დამაკმაყოფილებელი საჭირო მკურნალობა მიეცეს.
„საქართველოს ყოფილი პრეზიდენტის მიხეილ სააკაშვილის დრამატული მდგომარეობის შესახებ შემაშფოთებელი ინფორმაციის გამო, მათ შორის სამედიცინო დიაგნოზების გამო, რომლებიც ადასტურებს მისი ჯანმრთელობის მდგომარეობის სწრაფად გაუარესებას, პოლონეთის რესპუბლიკის სეიმი მიმართავს საქართველოს ხელისუფლებას, დაიცვას ჰუმანიტარიზმის უნივერსალური პრინციპები, რომელთა მიხედვითაც ადამიანის სიცოცხლე და ჯანმრთელობა უმაღლესი ღირებულებაა”, – წერია რეზოლუციის ტექსტში.
რეზოლუციაში ასევე ნათქვამია, რომ მიხეილ სააკაშვილის სიცოცხლისა და ჯანმრთელობის გადასარჩენად საერთაშორისო თანამეგობრობისადმი სოლიდარობისა და დაჟინებული ქმედებებისთვის მიმართვისას მან გაითვალისწინა მისი მნიშვნელოვანი წვლილი ქართველების პროევროპული დამოკიდებულებების ჩამოყალიბებაში.
