ველოსიპედიდან რომ გადმოვვარდი და სამი კბილი მოვიტეხე, ესაა ყველაფერში დამნაშავე -სააკაშვილის წერილი | 11.01.2023

მიხეილ სააკაშვილი იუსტიციის სამინისტროს წარმომადგენლების მიერ სასამართლო პროცესზე გაკეთებულ განცხადებას  ეხმაურება. საქართველოს მესამე პრეზიდენტის  სოციალურ ქსელში გამოქვეყნებულ მორიგ წერილში ნათქვამია, რომ იუსტიციის სამინისტრო არ ენდობა არცერთი მისი შერჩეული ექიმის დასკვნას. სააკაშვილი კიდევ ერთხელ საუბრობს მის მიმართ არაადამიანურ მოპყრობაზე.

“გუშინდელი სასამართლო პროცესიდან, იუსტიციის სამინისტროს წარმომადგენლების გამოსვლიდან მე გავიგე რამდენიმე რამ:  1. Სამინისტრო არ ენდობა არცერთი მისი შერჩეული ექიმის დასკვნას  2. ის, რომ ჩავარდნები მაქვს მეხსიერებაში, 50 კილო დავიკელი, ვერ დავდივარ და ა.შ. 2017 წლის კიევის მოვლენების ბრალი ყოფილა. Ჩემი აზრით, 4 წლის ასაკში ველოსიპედიდან რომ გადმოვვარდი და სამი კბილი მოვიტეხე – სინამდვილეში ესაა ყველაფერში დამნაშავე და არა ის, რომ მირტყეს, ასფალტზე და იატაკზე მათრიეს, შუმოკი მომიწყვეს და მომწამლეს თბილისში. ვინმე ნიკოლაიშვილი ეუბნება მსოფლიოს ერთ-ერთ საუკეთესო ნევროლოგს, რომ არ ვენდობი შენს დიაგნოზსო, ოღონდ ამ ნიკოლაიშვილს გორის იურიდიული ფაკულტეტი აქვს დამთავრებული და პრაქტიკულად გენიოს ლაჰანს ეკამათება მედიცინაზე. ყველაფერი ეს სასაცილო იქნებოდა, საქმე რომ არ გვქონდეს მკვლელობის სცენართან და ურთქმელიძე არ იყოს ცივსისხლიანი მკვლელობის კლასიკური წარმომადგენელი. Რაც შეეცება მსგავსი სუბიექტების გლობალური მაგნიტსკის სიაში ჩართვას, მე მოვუწოდებ ამ საქმეში აქტიურად ჩაერთონ არასამთავრობო ორგანიზაციები, ვინაიდან ეს არაა პარტიული საკითხი,” – მიხეილ სააკაშვილის წერილი.