ექვსმა არასამთავრობო ორგანიზაციამ – ბრიუსელში ვიზიტი შეაჯამა | 16.12.2022

ექვსმა არასამთავრობო ორგანიზაციამ – ბრიუსელში, 5-7 დეკემბერს გამართული ადვოკატირების ვიზიტი შეაჯამა.  მესამე სექტორში ამბობენ, რომ  მათ ევროკავშირის ინსტიტუციების წარმომადგენლებს მიაწოდეს ინფორმაცია 12 რეკომენდაციის შესრულების პროცესთან დაკავშირებით და განიხილეს ის მთავარი გამოწვევები, რაც საქართველოს ევროკავშირის წევრი ქვეყნის კანდიდატის სტატუსის მიღებისთვის სჭირდება. მათი განმარტებით, ბრიუსელში მიაჩნიათ, რომ საქართველოს ხელისუფლებამ უნდა შეცვალოს თავისი რიტორიკა ევროკავშირთან დაკავშირებით, ასევე შეცვალოს პოზიცია ექსპრეზიდენტ მიხეილ სააკაშვილის  სამკურნალოდ საზღვარგარეთ გადაყვანასთან დაკავშირებით.