პარტია “ლელო” “ქართულ ოცნებას” შარლ მიშელის შეთანხმებაში დაბრუნებისკენ მოუწოდებს. ამის შესახებ მამუკა ხაზარაძემ თანაპარტიელებთან ერთად პოლიტსაბჭოს სხდომის შემდეგ ბრიფინგზე ისაუბრა, სადაც პარტიამ 5-პუნქტიანი ხედვა წარადგინა. “ლელოს” ლიდერი აცხადებს, რომ ევროკავშირის კანდიდატის სტატუსის შესახებ გადაწყვეტილებაზე პოლიტიკური პასუხისმგებლობა მთლიანად ხელისუფლებას ეკისრება. ხაზარაძის თქმით, საქართველო ახლა იმ მიზნის მიღწევის, ევროინტეგრაციის მიჯნაზეა, რომლისკენაც ქართველი ხალხი დიდი ხანია ისწრაფვის.
