ირაკლი ღარიბაშვილი თქმით, ხელისუფლების ოპონენტები ცდილობენ, რომ მოქალაქეები საწვავის ფასების და ინფლაციის საკითხზე შეცდომაში შეიყვანონ. ღარიბაშვილი თვლის, რომ ფასების ზრდა მთელ მსოფლიოშია, საქართველო კი გამონაკლისი ვერ იქნება. პრემიერის მტკიცებით, საერთაშორისო ინდექსი აჩვენებს, რომ მსოფლიოს თითქმის 100 ქვეყანაში ბენზინი უფრო ძვირია, ვიდრე საქართველოში.
