მძიმე ეპიდემიოლოგიური ვითარება და ჩავარდნილი ვაქცინაცია. ოპოზიცია პასუხისმგებლობას ხელისუფლებას აკისრებს. ამ თემაზე დღეს „ევროპული საქართველოს“ ლიდერებმა საგანგებო ბრიფინგი გამართეს და ხელისუფლებას საკუთარი ხედვა გააცნეს. როგორც „ევროპულ საქართველოში“ აცხადებენ, მასობრივი ვაქცინაციის ტემპების დასაჩქარებლად, აუცილებელია, შეიქმნას ამცრელი მობილური ჯგუფები. ასევე, მოხდეს ვაქცინირებული მოსახლეობის წახალისება და საჯარო სფეროში დასაქმებულებისთვის შემოიღონ სავალდებულო ვაქცინაცია ან ტესტირება.
