5-6 ივლისის ძალადობრივი მოვლენების გამოძიების საკითხს სოციალური სამართლიანობის ცენტრი ეხმაურება. არასამთავრობო ორგანიზაციის შეფასებით, თბილისის ქუჩებში ექსტრემისტული ჯგუფების მიერ კოლექტიური ძალადობის ფაქტებზე მიმდინარე გამოძიება არაეფექტურია. ცენტრის განმარტებით, ძალადობრივი ქმედებების ორგანიზატორები ამ დრომდე არ დასჯილან, ამიტომ საგამოძიებო ორგანოებს კონკრეტული რეკომენდაციებით მიმართავენ.
