პარტია “ლელო საქართველოსთვის” 13 ივლისის იმ დადგენილებას აპროტესტებს, რომლის მიხედვითაც, მთავრობამ სათამაშო ბიზნესს სალიცენზიო გადასახადი გაუნახევრა. პარტიის წევრები მთავრობის გადაწყვეტილებას არჩევნებს უკავშირებენ და აცხადებენ, რომ ამ ნაბიჯით “ქართული ოცნება” პარტიის საარჩევნო კამპანიის დაფინანსების მოპოვებას ცდილობს. “ლელოს” წევრებისთვის გაუგებარია, რატომ უწესებს მთავრობა შეღავათს მზარდ ბიზნესს, მაშინ, როცა პანდემიის პირობებში არაერთი ბიზნესი დახმარების მოლოდინშია.
