სტრასბურგის ადამიანის უფლებათა სასამართლომ საპატიმროში მყოფი დეკანოზის საქმე წარმოებაში მიიღო. გიორგი მამალაძის ადვოკატები სტრასბურგის სასამართლოში ეცდებიან დაამტკიცონ, რომ მამალაძის წინააღმდეგ სახელმწიფომ არაერთი ფუნდამენტური უფლება, მათ შორის, სამართლიანი სასამართლოს უფლება დაარღვია.
დაკავებული დეკანოზის ძმა ხელს ისევ მეუფე იაკობისკენ იშვერს და მას გიორგი მამალაძის დაკავების ერთ-ერთ მთავარ ორგანიზატორად ასახელებს. ოჯახის მხრიდან გამოთქმულ ბრალდებებზე დღეს მეუფე იაკობმა პასუხის გაცემა არ ისურვა და თქვა, რომ დღეიდან მხოლოდ პანსიონის თემებზე ისაუბრებს.
