ქვეყანაში არსებული პოლიტიკური კრიზისის გამო, დედაქალაქის მთავარი გამზირი კარვების ქალაქად იქცა. პროტესტი, რომელიც სამი თვის წინ დაიწყო, ახლა უფრო ფართო მაშტაბებს იძენს, რისი დასტურიც პარლამენტის წინ გაშლილი 14 კარავია. კარვებში ღამეს ის პოლიტიკური პარტიის ლიდერები, სამოქალაქო აქტივისტები და მოქალაქეები ათენებენ, რომლებიც თვლიან, რომ გასული წლის ოქტომბერში მათ ხელისუფლებამ ხმა მოპარა. მათი მთავარი მოთხოვნები რიგგარეშე არჩევნები და პოლიტპატიმრების გათავისუფლებაა.
