თბილისის მერია მარტოხელა მოხუცებისა და სოციალურად დაუცველების დახმარებას აგრძელებს. კორონაპანდემიის პირობებში სოციალურად დაუცველი მარტოხელა მოხუცების საკვებით მომარაგების მიზნით, თბილისის მერიამ ბიუჯეტიდან მილიონ 200 ათასი ლარი გამოყო, საიდანაც საერთო ჯამში 20 000 დახმარების პაკეტი გაიცემა. კვების პროდუქტების დაფასოების პროცესს, დღეს, თბილისის მერი მოადგილესთან ერთად დაესწრო.
