რთული ეპიდემიოლოგიური ვითარება, მკაცრი რეგულაციები, გაზრდილი უმუშევრობა, მძიმე სოციალური ფონი და თითქმის შიმშილის ზღვარზე მისული მოსახლეობა. საზოგადოების ნაწილისთვის 2020 წელი სწორედ ამ პრობლემებთან ასოცირდება. გამოკითხული მოქალაქეების ნაწილს 2020 წელი პოლიტიკური მოვლენებითაც დაამახსოვრდა. მათ შორისაა არჩევნები და ერთპარტიული პარლამენტი. რთული წლის მიუხედავად, საზოგადოება არ კარგავს იმედს, რომ 2021 წელს კორონაპანდემიაც და პოლიტიკური კრიზისიც დასრულდება.
