ემუქრება თუ არა საფრთხე ოპოზიციურ ერთობას და აპირებენ თუ არა მხარეები დათმობაზე წასვლას – საპარლამენტო ბოიკოტის მე-60 დღეს ოპოზიციაში ისევ მკაფიოდ ამბობენ, რომ თუ ქვეყანაში ვადამდელი არჩევნები არ დაინიშნება, ისინი ერთპარტიულ პარლამენტში არ შევლენ. ოპოზიციის ლიდერები იმედოვნებენ რომ დიალოგის მორიგი რაუნდი შედგება. მოლაპარაკების გაგრძელების მზაობას გამოთქვამენ მმართველ გუნდშიც, თუმცა ქართული ოცნება ხაზგასმით ამბობს, რომ არანაირი რიგგარეშე ვადამდელი არჩევნები პარტიაში არ განიხილება. მოლაპარაკებების მეხუთე რაუნდზე კომენატრი დღეს პრემიერ-მინისტრმაც გააკეთა და ოპოზიცია პარლამენტში შესვლა კიდევ ერთხელ ურჩია.
