პოლიტიკური კრაკენი მთავრობის ადმინისტრაციასთან. ბიძინა ივანიშვილის, გიორგი გახარიას და კახა კალაძის გამოსახულების ფიგურები მოძრაობა “ერთობა სამართლიანობისთვის” წევრებმა დაამზადეს. აქციის ერთ-ერთი ორგანიზატორი ე.წ. ციანიდის საქმეში ბრალდებული დეკანოზ გიორგი მამალაძის ძმაა. თორნიკე მამალაძე ამბობს, რომ მისი ძმის მსგავსად, ბიძინა ივანიშვილის ხელისუფლება უსამართლოდ ბევრ ადამიანს ექცევა. მოძრაობა “ერთობა სამართლიანობისთვის” დარწმუნებულია, რომ 31 ოქტომბერი “ქართული ოცნების” პოლიტიკური დასასრული იქნება.
