პოლიტიკური გაერთიანება “ლელო” ბიძინა ივანიშვილსა და “ქართული ოცნების” ლიდერებს დებატებში იწვევს. ამის შესახებ მამუკა ხაზარაძემ საგანგებო ბრიფინგზე განაცხადა. ხაზარაძე ამბობს, რომ ქვეყანა დღეს მძიმე ეკონომიკურ მდგომარეობაშია, რაზეც პასუხისმგებლობა “ოცნებას” ეკისრება. სწორედ ამიტომ “ლელო” კი მზადაა, დებატებში მმართველი პარტიის ნებისმიერ ლიდერს შეხვდეს, განსაკუთრებით კი, ბიძინა ივანიშვილს.
