გერმანია საქართველოს 170 მილიონი ევროს ოდენობით სესხს და 28 მილიონი ევროს ოდენობით გრანტს გამოუყოფს. შათანხმებას ხელი საქართველოს ფინანსთა მინისტრმა ივანე მაჭავარიანმა და გერმანიის ფედერაციული რესპუბლიკის საგანგებო და სრულუფლებიანმა ელჩმა საქართველოში ჰუბერტ ქნირშმა მოაწერეს. გამოყოფილი თანხა ურბანულ განვითარებაზე, ტურისტული ინფრასტრუქტურის მოწყობაზე, ენერგოეფექტურობაზე და გარემოს დაცვის ღონისძიებებზე დაიხარჯება.
