საკრებულოს თავმჯდომარის პოსტზე ოპოზიციონერი დეპუტატის არჩევამ “ქართული ოცნების” გაღიზიანება გამოიწვია. თემაზე საგანგებო ბრიფინგი პარტიის ოფისში სოზარ სუბარმა გამართა. “ქართული ოცნების” ერთ-ერთი ლიდერის თქმით, პარტია “საქართველოსთვის” და “ნაციონალური მოძრაობა” ერთი ძალის ორი სხვადასხვა განშტოებაა. სუბარის აზრით, ისინი რადიკალებისა და მოღალატეების გაერთიანებით რამდენიმე მუნიციპალიტეტში ვითარების შეფერხებას შეეცდებიან, თუმცა ამას “ქართული ოცნება” არ დაუშვებს.
