თბილისის მერია დიდ დიღომში, ჰიპერმარკეტ “გუდვილის“ მიმდებარე ტერიტორიაზე სანიაღვრე ქსელის რეაბილიტაციას იწყებს. ბოლო თვეების განმავლობაში უხვი ნალექის დროს მიმდებარე ტერიტორიაზე გადაადგილება რთულდებოდა და შეუძლებელიც კი იყო. დაგეგმილი სამუშაოების გამო, ხვალიდან, მირიან მეფის ქუჩაზე საავტომობილო გადაადგილება ნაწილობრივ შეიზღუდება, ხოლო მომდევნო პერიოდში შეზღუდვები ქუჩის სხვა მონაკვეთებშიც გაგრძელდება.
