თბილისში შარლ მიშელს ისევ ელოდებიან – ოპოზიცია ვიზიტის მნიშვნელობაზე საუბრობს | 15.07.2021

თბილისში შარლ მიშელს ელოდებიან.  ევროპული საბჭოს პრეზიდენტი საქართველოს  19 ივლისს ეწვევა, საუბრის მთავარი თემა კი სავარაუდოდ, მისი ავტორობით მომზადებული დოკუმენტის შესრულება და 5-6 ივლისს განვითარებული მოვლენები იქნება. ოპოზიცია ვიზიტის მნიშვნელობაზე საუბრობს  და აცხადებს, რომ მიშელს პირადად ეტყვის, თუ როგორ არღვევს მმართველი პარტია მისივე  შეთანხმებას. განსხვავებული პოზიცია აქვს ალეკო ელისაშვილს. პარტია “მოქალაქეების” ლიდერი როგორც ოპოზიციის ასევე მმართველი გუნდის მხრიდან დოკუმენტის დარღვევაზე საუბრობს.