ეპიდემიის გავრცელების გამო, 100 ათასი მოწამის ხსენების დღეს მრევლის მსვლელობა აღარ გაიმართება | 12.11.2020

ეპიდემიის მკვეთრი გავრცელების გამო, 100 ათასი მოწამის ხსენების დღეს მრევლის მსვლელობა აღარ გაიმართება.  ამის შესახებ განცხადებას საპატრიარქო ავრცელებს.

“პარასკევს, 13 ნოემბერს, არის ხსენება თბილისში ჯალალ ედ – დინის დროს წამებულ 100 000 ქართველთა. ამ დღეს ტრადიციულად ეწყობოდა ხალხმრავალი მსვლელობა, რომელიც მეტეხის ხიდზე სრულდებოდა პარაკლისით, სხვადასხვა საზეიმო ღონისძიებითა და წყალზე ყვავილების მოფენით. ეპიდემიის მკვეთრი გავრცელების გამო, წელს მრევლის მსვლელობა აღარ გაიმართება. 17:00 საათზე მხოლოდ მცირე პარაკლისი ჩატარდება და ყვავილების გვირგვინი ანთებული სანთლებით მტკვარში ჩაესვენება ქრისტესთვის წამებული ჩვენი წინაპრებისადმი მადლიერების ნიშნად,”– აღნიშნულია საპატრიარქოს განცხადებაში.

ახალი ამბები

საინტერესო ფაქტები