მოვუწოდებთ ყველა მხარეს 8 მარტის შეთანხმების სრულად შესრულებისაკენ – აშშ-ის საელჩოს განცხადება

ამერიკის საელჩო საქართველოში  საკონტიტუციო ცვლილებების პირველი მოსმენით კენჭისყრას ეხმიანება და იმედოვნებს, რომ პარლამენტი   ამ საკანონმდებლო ცვლილებებს ფართო მხარდაჭერით მიიღებს. საგანგებო განცხადებაში ნათქვამია, რომ  ეს არის გაზრდილი საპარლამენტო პლურალიზმისკენ გადადგმული მნიშვნელოვანი პირველი ნაბიჯი.

“ჩვენ იმედი გვაქვს, რომ ამ საკანონმდებლო ცვლილებებს ფართო მხარდაჭერით მიიღებენ და მოვუწოდებთ ყველა მხარეს 8 მარტის შეთანხმების სრულად შესრულებისაკენ” – ნათქვამია განცხადებაში.